其實我哋男人老狗都唔想咁撚扭擰去討論返五年前嘅事，但澄清不實就要嘅。關於最近 TPB 嘅前鼓手阿永 ...

其實我哋男人老狗都唔想咁撚扭擰去討論返五年前嘅事，但澄清不實就要嘅。關於最近 TPB 嘅前鼓手阿永 (2010 - 2015) 作出嘅指控，我哋想作出以下澄清。

以下為阿永嘅指控：

1. 要求阿永離隊，並冇得佢同意出 post/鬍渣結他手嘅敵意

Facebook 退出 post 出街前有send俾佢睇，亦都確認得到佢同意先post。詳情請看 comment box 嘅對話，再自行判斷，無多餘嘅說話要講。

2. 只經中間人約食飯

事件後一段時間，阿永其實喺 406 夾緊另一隊樂隊。我哋從中得知阿永對我哋嘅不滿，所以當時 TPB 嘅 bass 手喺 WhatsApp 約佢同大家食飯，試圖當面解決誤會，但遭阿永拒絕，然後畀佢 block 埋。事後亦有再透過其他中間人再次嘗試約，亦遭拒絕。

3. 退團時聲討指責

首先要求佢離隊，係隊員一致嘅決定。我哋每個成員當時至少有一整年時間，都有感於每星期夾 band，都係承受阿永情緒起伏所帶來嘅壓力，多過聚埋玩下音樂、練下野。隊band停滯不前，所以最後只好要求佢離開。

其實要求人離開有好多種方法，打電話、WhatsApp，甚至鳩講一句都得。但係我地想好嚟好去，先選擇真心話大會，想大家知道個問題喺邊。大家唔夾都可以各自進步啊，係咪先？
可能麻甩佬講真心話真係唔係咁好聽，但當晚嘅內容，甚至語氣都絕對唔係指責或者聲討，亦都唔會即場同佢講大家做唔到朋友咁撚癲，如果要咁講我不如打俾佢講，做乜約出嚟講。
當晚嘅會議氣氛絕對唔差，甚至可以話係幾好，至少大家都交個心出黎講。傾完問題亦勉勵咗大家之後，我地一度以為可以繼續做朋友，但結果事與願違。

而且夾band從來都係合則來不合則去， 大家成年人音樂上夾唔到，都可以繼續做friend，基本上所有舊隊友都仲係朋友。

4. 中山（東莞) show 播鼓track

播track事件，我哋承認處理得唔好。
事緣係，要求阿永離隊當晚，我哋得到佢嘅許可，可以繼續用錄好嘅鼓製作 EP 。
而東莞場 show 剛好喺「要求阿永離開」事件後嘅一星期。我哋當時想法係阿永唔介意我哋用鼓 track 出碟，用鼓 track 嚟頂一場 show ，佢應該唔介意嘅，正如我哋唔介意佢繼續用 406 嘅設備。好似上面咁講，以為夾唔到band都唔使反哂面。
呢件事我哋承認做得唔好，如果知道阿永會覺得唔舒服，我哋絕對會放棄當時嘅演出。

總結：凡事唔好淨係睇一面
Cut the shit and get a life.

我哋出咗個新MV 詳情請看comment box YouTube link。

---